Kolsvört

Sumarið

Sun, 29 Jul 2007 17:39:08 GMT

Ég hef lítið skrifað í sumar enda búin að vera á flakki. Í júní tók ég 4 vikna sumarfrí og endi því að mestu fyrir vestan. Skrapp reyndar norður í lok frísins. Svo var ég komin vestur aftur tveim vikum seinna því hann afi átti afmæli. Var um helgina en var komin óvænt aftur vestur 3 dögum seinna og þá skellti ég mér á æskuslóðir hennar ömmu. Nú er ég búin að vera heima hjá mér í viku og er að fara norður eftir nokkra daga en það er síðasta fríið mitt í sumar. Eftir verslunarmannahelgina mun ég taka lífinu rólega og slakka á... þegar ég er eki að vinna. Jæja, nóg i bili.

Fríið að enda

Mon, 25 Jun 2007 23:00:38 GMT

Já, nú líður að því að fríið sé að verða búið hjá mér. Þarf að fara að vinna á föstudaginn en væri alveg til í að vera í lengra fríi. Þetta er búið að vera ágætt frí og ég er búin að vera hér fyrir vestan mest allan tímann. Fer reyndar norður á morgun og svo suður á föstudagsmorguninn. Fór reyndar suður um daginn því afi var fluttur suður með sjúkraflugi og amma fékk ekkert flug. Þannig að ég keyrði bara henni og systir hans pabba suður. Stoppaði í nokkra daga en það var gott að komast vestur aftur. Það er reyndar ekki langt í næstu ferð mína vestur því ég kem aftur vestur þegar afi á afmæli. Er búin að lofa honum að koma og óska honum til hamingju með afmælið. Svo klára ég sumarfríið mitt í ágúst og þá líklegast hér fyrir vestan :) Æi það er svo gott að hvíla sig hér fyrir vestan. Jæja nóg í bili.

Sumarfrí

Sun, 03 Jun 2007 22:35:32 GMT

Allt gott að frétta héðan. Nú er ég komin í sumarfrí og ætla mér út á land. Ætlaði að vera farin en bíllinn er bilaður. Braut púða í gírstönginni um síðustu helgi. Fór nefnilega keyrandi til Ísafjarðar í skírnina hjá henni Önnu Salínu og á leiðinni til baka brotnaði þessi púði. Það er víst ekki mikið mál að skipta um púðann en það vildi svo til að hann var ekki til. Hann var pantaður svo á fimmtudaginn og átti að vera komin daginn eftir en því miður tókst það ekki þannig að nú er ég bara að bíða eftir því að bíllinn verði tilbúinn. Það er vonum um að það púðinn verði kominn á morgun þannig að ég vonast til að ég verði komin í á leiðarenda seint annað kvöld. Þetta var samt ágætt að bíllinn var ekki tilbúinn því að ég hef notið tímann til þess að þrífa, skrúbba og bóna. Já, og svo er ég búin að vera kvefuð og hefði ekki viljað vera á ferðinni um helgina. En ég er nú að lagast sem betur fer.

Hvert á síðan að fara í sumarfríinu? Það kemur nú bara einn staður til greina og það er vestur á firði. Hlakka mikið til að hitta sætu systurnar og litla frænda. Verð víst að vera komin vestur fyrir næstu helgi því að hún Ásgerður Pála er að verða 3 ára. Já, daman bara að verða 3 ára og óskaði eftir bók í afmælisgjöf ;) Verð að finna eitthverja sniðuga bók handa henni og bækurnar um hana Emmu eru nú ofarlega í huga mínum ;)

En nóg í bili - verð víst að fara að taka til dótið sem ég ætla að taka með mér í fríið ;)

Fréttir

Tue, 15 May 2007 20:09:06 GMT

Ég er öll að koma til - fór í vinnuna í gær og það var gott að komast í vinnu. Í dag fékk ég að skreppa úr vinnunni til þess að fara niður á Tryggingastofnun - var nefnilega að sækja um afsláttarkort. Og vitið hvað ég lenti í. Það var keyrt aftan á mig. Ætlaði að beyggja inn á Grettisgötuna til þess að finna bílastæði en nei, bíllinn á eftir mér keyrði á bílinn minn, Þvílík og annað eins óheppni. Var sko ekki ánægð enda lenti í í aftan á keyrslu í maí í fyrra. Í þetta sinn gengu hlutirnir aðeins betur fyrir sig en ég varð samt að biðja lögregluna að koma því sá sem keyrði á mig talaði ekki íslensku og sagði að enska sín væri ekki góð, En hann hafði reyndar ekki tíma til þess að bíða eftir löggunni. Þetta var nefnilega pizzusendill og varð að fara með pizzuna. Sagðist reyndar ætla að koma strax aftur. Löggan tók skýrslu af mér og bað mig svo að bíða í smá stund eftir pizzusendlinum. Á tímabili hélt ég að hann myndi ekki koma en svo kom greyið og ég fékk að fara. Vorkenndi honum yfir því að þurfa að fara í vinnuna og tilkynna að hann hafði keyrt á og væri í órétti. Svo er bara að hringja í tryggingarnar og fara með bílinn í tjónamat. Hann lítur reyndar ekki illa út - lakskemmdir og númeraplatan beygluð. En það geta verið meiri skemmdir sem maður sér ekki.

Veikindafríið mitt var yndislegt. Eyddi því heima hjá mömmu og pabba. Fékk að dekra þvílíkt við frændsystkinin mín og bróðir minn og mágur vilja að ég fari sem oftast til útlanda :)

Frænka var ánægð með sitt og bað um fleiri föt en ég má ekki gefa henni þau í afmælis-, eða jólagjöf. Það er nú ekkert mál að gefa henni föt þegar henni vantar þau þó svo að það verði kannski ekki alveg svona mikið í einu. Svo var yngsti meðlimur fjölskyldurnar alveg æðislega sæt og vær. Hlakka til að hitta þær systur aftur. Frændi var ánægður með pakkana sína. Hann var í pössun fyrstu nóttina mína fyrir vestan og lét sko afa sinn hafa fyrir því að svæfa hann. Komst að því að hann er algjör afastrákur. Ég fékk nú að passa hann en því miður varð hann veikur og vildi bara vera hjá ömmu sinni. En það verður gaman í júní og fá að kynnast honum betur. Hlakka til þess

En jæja nóg í bili

Aðgerðin

Thu, 03 May 2007 17:11:30 GMT

Jæja, þá er ég laus við hálskirtlana. Fór í aðgerðina kl: 8 í morgun og þetta var skrýtin upplifun. Lagðist á bekkinn og nál stungin í mig enn það misstókst aðeins þannig að það var fundinn annar staður. Með svakan marblett þar sem nálin var. Svo var ég spurð spurningar og svæfingalæknirinn sagðist ætla að fara að undirbúa svæfinguna. Allt í lagi með það - ég fann að hann var eitthvað að eiga við nálina og það næsta sem ég man er að ég vakna og lít á klukkan og þá var hún orðin 09:30 og aðgerðin búin. Mér leið eins og ég hafði steinsofnað allt í einu - man ekkert eftir því að verða syfjuð og man bara eftir því að ég var smá stressuð og blótandi nálin. Svo var það fyrsta sem ég hugsaði - hvar eru þessir verkir sem áttu að vera svo svakalegir. En ég var reyndar hálf vönkuðu og á sterkum verkjalyfjum þannig að það er engin furða þó svo að ég fyndi ekki mikið til. Já, og svo skautst líka í hugann minn um leið og ég viss hvað klukkan væri að bænastundin í vinnunni væri ekki byrjuð. Þannig að kl: 10 þá var hugur minn í vinnunni og hjá litla sæta drengnum sem fór frá okkur í gær. Það var mjög gott að geta hugsað til þeirra í vinnunni á meðan bænastundin fór fram og ég var ánægð yfir því að vera vakandi á þessum tíma þó svo að ég hefði frekar viljað vera í vinnunni en þar sem ég var. Svo sofnaði ég bara aftur og var með súrefnisgrímu og vökva í æð. Vildi samt komast heim í mitt eigið rúm. Þegar hinir sem voru í aðgerð líka í morgun voru að tínast í burtu þá fékk ég þetta svaka hóstakast og var látin fá súrefni aftur og meiri vökva í æð. Steinsofnaði og það var ekki fyrr en kl: 13:30 sem ég fékk að hringja í elsku bestu föðursystir og biðja hana að koma að sækja mig. Já, hún er Ebba er búin að vera algjört yndi - ég fékk að gista hjá henni síðustu nótt og hún skullaði mér í aðgerðina, kom og sótti mig og keyrði mér svo að lokum heim. Svo ætlar hún að koma til mín á eftir og gista hér þannig að ég verði ekki ein í nótt. Ætli ég biðji hana ekki að kíkja á mig á morgun líka og skulla mér á völlinn á laugardaginn. Ég fékk nefnilega leyfi til þess að fara vestur og jafna mig þar. Fer seinnipartinn á laugardaginn til mömmu og pabba. Mamma verður reyndar að vinna þannig að það verður pabbi sem mun hugsa um mig og vorkenna á laugardaginn. Það verður gott að fá smá hugun frá pabba og mé hlakkar ekki smá mikið til. Það verður líka alveg meiriháttar gaman að hitta systurnar ÁPH og ASH og svo auðvita hann GÓP líka. En nóg í bili - nú eru verkjirnir í hĺasinu farnir að pirra mig :(

Fréttir

Thu, 26 Apr 2007 23:25:12 GMT

Jæja þá er ég komin með það á hreint hvernær aðgerðin verður. Er komin á sýklalyf og svo losna ég við þessa blessuðu kirtla á fimmtudaginn í næstu viku, Það verður gott að losna við þá þó svo að mér hlakki ekkert til fyrstu sólahringana eftir aðgerðina :(

En annars er lítið annað að frétta héðan

Ferðalagið

Tue, 24 Apr 2007 22:07:14 GMT

Jæja þá er ég komin frá Englandi og það var mjög gaman úti. Skoðaði nokkra staði og upp úr stendur skóli fyrir fötluð börn. Svo missti ég mig aðeins í búðunum og það var mikið helgið af því. Fékk að heyra það nokkrum sinnum að ég yrði nú að fara að koma með eitt lítið kríli, Já, ég verslaði aðallega á systkinabörnin. En það voru svo mikið af fallegum barnafötum þarna og ég hefði alveg viljað kaupa meira - hafði bara ekki plássi fyrir meira. Auðvita keypti ég líka eitthvað handa mér og er ánægð með þau föt.

Það sem er annað að frétta er að ég er enn og aftur komin með hálsbólgu og hef ekkert heyrt frá spítalanum. Verð víst að fara að reka á eftir þessu. Vona samt að þeir fara að hringja á næstum dögum en ætla að sjá til hvernig ég verð á morgun. Ef ég verð verri þá ætla ég að reyna að hafa samband við læknir og athuga hvort að það sé ekki hægt að koma mér að sem fyrst. Nenni þessum sýkingum ekki lengur. Enn nóg að sinni þar til næst.

Lítil prinsessa

Sun, 15 Apr 2007 00:07:37 GMT

Litla systa búin að eiga. Fæddist lítil prinsessa seint í kvöld og auðvita er prinsessan mjög falleg, Það verður sko gaman hjá mér að versla úti í Englandi. Kaupi örugglega nokkra kjóla á þær systur,

Fréttir

Mon, 09 Apr 2007 02:38:07 GMT

Það er ýmislegt að fŕetta héðan. Litla systir er reyndar ekki búin að eiga en hún var sett á síðasta laugardag, Ætli krílið komi ekki bara á þriðjudaginn. Að minnsta kosti veit ég um eina sem væri alveg til að fá lítið frændsystkini í afmælisgjöf :)

Um daginn þá fór ég til Hornafjarðar í fermingu. Ég og stóri bróðir keyrðum á bílnum mínum austur á laugardeginu og svo aftur til baka eftir ferminguna á sunnudeginum. Það var gott að komast aðeins út úr bænum og æðislegt veður á sunnudeginum. Flott útsýni yfir á jökul, og ég naut þess að sitja í bílnum á meðan stóri bróðir keyrði. Svo tók ég við í Vík og keyrði það sem eftir var leiðarinar. Var reyndar mjög þreytt enda var farið að dimma þegar ég tók við. Það var reyndar gert grín af mér því ég var með eitthverja pest og þetta var annað árið í röð að ég fer í fermingu austur og með pest. Næsta ferming er svo eftir 4 ár og þá er eins gott að ég verði ekki með pest. Fór svo aftur í fermingu á skírdag en þá var verið að ferma hjá vinkonu minni.

Já, heilsan ætlar ekki að lagast en er búin að fara til læknis og búin að fá niðurstöðurnar. Ég þarf víst að fara í hálskirtlatöku. Er ekki búin að fá dagsetningu á aðgerðinni en hún verður vonandi sem fyrst. Læknirinn lofaði mér því að hún verði að vísu ekki fyrr en eftir Englandsferðina mína. Ég verð víst frá vinnu í 10 daga og var að pæla í því að skreppa vestur á meðan ég er að jafna mig. Er ekki voða spennt fyrir því að hanga ein heima á meðan á þessu stendur.

Já, ég er að fara til Englands eftir nokkra daga. Flest allir í vinnunni eru að fara og það verður vonandi mjög gaman. Ætla að versla að mestu fyrir systkinabörnin en hver veit nema að ég kaupi eitthvað fyrir sjálfa mig líka.

Jæja, ég hef ekki meira að segja. Þar til næst - ciao

Langt á milli

Tue, 13 Mar 2007 23:53:21 GMT

Já, það virðist vera langt á milli blogga hjá mér. En málið er að ég er búin að hafa meira en nóg að gera síðustu vikur. Nú er farið að róast hjá mér en vitið menn ég skellti mér á kynningu á háskólanámi í dag. Og nú er ég að velta því fyrir mér hvort að ég ætti ekki bara að sækja um og fara í skóla í haust. Er samt ekki alveg viss en nú veit ég að minnsta kosti hvað ég get lært hér heima ef mér langar að læra meira. Skoða þetta betur á næstum dögum því umsóknarfresturinn er út mars. Reyndar var ég byrjuð á að fylla út umsóknina í dag :)

Annars er lítið annað að frétta nema það að nú bíð ég eftir að eignast lítið frændsystkini og hlakka mikið til að komast í ungbarnaverslanir :) Já, og svo er ég víst á leiðinni til Háls-, nef- og eyrnalæknis til þessa að athuga hvort að það megi ekki bara taka úr mér hálskirtlana. Fékk víst sýkingu í þá eina ferðina enn :( en góðu fréttirnar eru þær að þetta var bara venjuleg hálsbólga :) Þrjár sýkingar í hálskirtlana á tveim mánuðum - hlýt að losna við kirtlana :) Hef engan áhuga á að vera með hálsbólgu um páskana.

Því miður þá fer ég ekki vestur um páskana en ætla að skella mér austur helgina fyrir páska og svo er Englandsferð í kringum sumardaginn fyrsta. Ætla svo að skella mér vestur helgina eftir Englandsferðina svona rétt til þess að fá að sjá ófædda barnið. Þannig að það lítur út fyrir að ég verði mikið á flakkinu á næstunni. Skelli mér svo bara kannski norður í maí, fyrsta að sumir eru að vinna um næstu helgi :(

Jæja nóg í bili og ég reyni að blogga fyrir ferðina mína austur :)

Nýjasta nýtt

Sun, 11 Feb 2007 19:40:13 GMT

Það er orðið langt síðan að ég hef bloggað og því komin tími til að bæta úr því. Lífið hefur reyndar verið ósköp rólegt hjá mér undanfarið. Hef að mestu verið að vinna og slaka á. Fór reyndar á þorrablót fyrir nokkrum vikum og það var bara gaman. Fór reyndar frekar snemma heim og vaknaði hress og kát daginn eftir sem var æðislegt.

Um síðustu helgi kom litli brói og hans ástkæra suður. Alltaf jafn gaman að hitta fjölskykdumeðlimi og auðvita var tækifærið notað til þess að fara út að borða. Svo varð litli brói að taka smá pakka vestur fyrir litlu dömunar. Ég var nefnilega send í Hagkaup til þess að kaupa Sollu stirðu hárkollu og fleira fyrir hana. Daman varð rosalega ánægð með þetta og í þakklæti skyni fékk ég flotta mynd af henni þar sem hún var komin í gervi Sollu stirðu - hefði bara viljað sjá viðbrögðin hennar :)

Núna um helgina var svo útskirftaveisla hjá Rebekku og auðvita mætti ég á svæðið. Skemmti mér bara mjög vel en endist nú ekki lengi - alveg búin á því um 00:30. Vaknaði reyndar hress og kát í morgun og er búin að vera mjög duglega í tiltektinni í dag :)

Það sem er framundan hjá mér er rólega lífið áfram. Í mars verð ég svo búin að minnka við mig í vinnu úr 150% (170% síðustu 3 mánuði) niður í 130% því frá og með 1. mars verð ég búin að skipta um aukavinnu. Þetta verður til þess að ég er yfirleitt að koma heim um 5 leitið á daginn í staðinn fyrir eitthvern tímann eftir kvöldmat. Að vísu verð ég að vinna annað hvert föstudagskvöld og þá helgi. Ég er gjörsamlega að bíða eftir þessum breytingum því ég er orðin ansi þreytt á að koma seint heim. Já og svo er ég víst að fara til Englands í apríl og hlakka mikið til. Litla frænka eða frændi verður komið í heiminn áður en ég fer þannig að ég býst við því að koma með fulla tösku af barnafötum heim eða kannski ekki alveg. Verð víst að kaupa eitthvað fyrir dömuna og prinsinn líka ;)

Annars er lítið annað að frétta nema að nú er heimilið mitt orðið að kokkabæli - já, ég greindist víst aftur með kokkana í síðustu viku og er því komin aftur á sýklalyf. Svaka fjör - hversu lengi ætli ég verði laus við kokkana eftir þessa sýklalyfjameðferð? :) Jæja nóg í bili

Fréttir

Wed, 17 Jan 2007 18:58:38 GMT

Það er nú ósköp lítið að frétta nema það að mér er batnað. Það var tekið strok úr mér í dag og ég er alveg laus við kokkana.

Er búin að vera að vinna á full en átti frí um síðustu helgi og ég notaði hana í tiltekt og fleira. Um næstu helgi er svo áætlað að fara á þorrablót Sléttuhreppinga hér í Reykjavík. Verð reyndar að vinna en þorrablótið mun ekki koma niður á minni vinnu því vinnutíminn er góður um helgina.

Jæja það er ósköp lítið annað að frétta - blogga meira eftir helgina :)

Öll að koma til

Tue, 09 Jan 2007 18:23:25 GMT

Jæja loksins eru sýklalyfin farin að virka og ég er öll að koma til. Verð fegin að losna við þennan ógeða. Hringdi í vinnuna í dag til þess að láta vita að ég myndi mæta á morgun og var bara spurða að því hvort að ég vildi ekki bara að fá að sofa út í fyrramálið og mæta á hádegi (svona fyrsta daginn eftir veikindin). Var fljót að samþykkja það enda ágæt að fá að byrja bara hægt og rólega. Annars er ég búin að vera furðu hress í dag, tók loksins jólaskrautið saman og svo aðeins að taka til eftir veikindin. Jæja, best að hætta núna og fara að fá sér að borða.

Gaman gaman

Sun, 07 Jan 2007 13:24:13 GMT

Ég fór til læknis í morgun vegna hita og hálsbólgu og vitið menn mín bara komin með svaka streptókokkasýkingu. Var sett á stórann sýklalyfjakúr og má ekki fara að vinna fyrr en fyrsta lagi á miðvikudaginn. Það verður svaka gaman hjá mér á næstunni - að hanga heim og gera ekki neitt. Er nú þegar búin að fá ógeð á að hanga hér heim og langar rosalega mikið til þess að koma mér út þannig að mér hlakkar ekki til að hanga heima næstu tvo dagana :(

Gleðilegt nýtt ár

Sun, 07 Jan 2007 08:29:11 GMT

Já, nú er bara komið nýtt ár og ekki byrjar það vel hjá mér. Vaknaði upp í gærmorgun með hálsbólgu og eftir hádegi var ég komin með hita. Er meira og minna búin að vera með hita síðan en mis háann. Held að ég verði að fara á læknavaktina á eftir því að hálsinn er mjög aumur og bólginn. Ekki gaman :(

En annars er ósköp lítið að frétta af mér. Áramótin hjá mér voru yndisleg. Fór í Hafnafjörðinn í partý og útsýnið hjá okkur var æðislegt. Eiginlega betra en á svölunum hjá mér. Var komin frekar snemma heim og það var gott að leggjast á koddann.

Jólin voru líka yndisleg. Fór auðvita vestur en var reyndar hálf partin veik um jólin. Þannig að árið endaði með veikindum og byrjaði með veikindum. Það var samt mjög gott að vera fyrir vestan og þetta var góð hvíld. Svaf fram yfir hádegi alla dagana :)

Jæja, ég held að þetta sé nóg í bili - ætla að fara að gera mig klára svo ég komist á læknavaktina.